اضحكو على مسؤوليتي

فيه ولد طفران (ماعنده ولا ريال) راح لابوه وقال له:

الولد: عطني 15 ريال .. ودي اشتري كوره

الاب: أقول إنقلع عني تراها واصله معي

الولد: تكفا يبه .. بس خمستعش ريال والا اقولك خلها عشرة ريال

الاب: ماعندي فلوس .. إذا تبي فلوس رح بع الديك حقك المريض اللي بالحوش

الولد: بس هذا مريض ومحد بيشتريه

الاب: ماعلي منك .. دبر نفسك

والله الولد استسلم للأمر الواقع واخذ الديك وأول واحد قابله في وجهه اكيد أبوه .. قاله الولد: تشتري الديك؟

الاب: اقول بتنقلع عني ولا أقوم اتوطا في بطنك؟

الولد: خلاص خلاص لاتنفخ

طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك قال الولد: ممممممممم .. والله مالي إلا فلانه .. عقلها خفيف بقدر ألعب عليها بسهوله فلانه هذي كانت وحده متزوجه بس للاسف تلعب بذيلها من ورا زوجها

راح لها الولد عشان يبيع عليها الديك وقال لها: تشترين الديك تكفين؟

الحرمه: هلا والله بحبيبي .. تعال قرب مني عشان ابوسك بوسه خفيفه

الولد: اقول مانيب فاضي لك .. خذي مني الديك وخليني اروح

الحرمه: تروح مين ياعمري!! تو بدرى وشعندك مستعجل

الولد: خذي مني الديك وخلينا أنقلع

شوي الا الباب يدق خافت الحرمه وقالت للولد تعال إندعس هنا في الدولاب لايطلع زوجي ثم نروح فيها .. حطت الولد في الدولاب وراحت فتحت الباب إلا وطلعلها صديقها اللي تخون زوجها معاه

الحرمه: هلا والله بعمري وحياتي

الرجال: يا هلا فيك عمري

ما أمدا الرجال يكمل كلمته إلا والباب يطق

الحرمه: ياويلي ويلاه هذا شكله زوجي .. تعال وادخل في الدولاب

دخل خوينا في الدولاب وفجاه في عز الظلام سمع صوت يكلمه داخل الدولاب ويقوله

الولد: تشتري الديك؟

الرجال: اصصصصصصصص .. رخ صوتك الله يرحم والديك لاتفضحنا

الولد: أقول تشتري الديك؟

الرجال: ياخوي خلاص بشتري الديك بس قصر على حسك تكفا

الولد: طيب

الرجال: بس بكم تبيعه؟

الولد: بمية ريال

الرجال: ايش!!!!!!!!!!!! هالديك المنتوف المريض بمية ريال

الولد: تبي تشتري ولا ارفع صوتي؟

الرجال: لا لا خلاص .. ابشتري وأمري لله
جلسو 5 دقايق
الولد: تبيع الديك؟

الرجال: توك بايعه على يابن الحلال!!

الولد: تبيعه علي ولا ارفع صوتي؟

الرجال: لا لا خلاص اببيعه وأمري لله .. بكم تشتريه؟

الولد: بريال

الرجال: أيش!! بريال!!!! انا مشتريه منك ب 100 ونت تشتريه مني بريال!!!!!

الولد: تبيعه علي ولا ارفع صوتي؟

الرجال: لا لا خلاص اببيعه وأمري لله

جلسو 5 دقايق

الولد: تشتري الديك؟

الرجال: ياخوي توني مشتريه منك!

الولد :تبي تشتري ولا ارفع صوتي؟

الرجال: لا لا خلاص ابشتري وأمري لله .. بكم تبيعه؟

الولد: بميتين ريال

الرجال: الله يمحط بك انشالله .. توني مشتريه منك بمية ريال!

الولد: تبي تشتري ولا ارفع صوتي؟

الرجال: لا لا خلاص .. ابشتري وأمري لله

جلسو 5 دقايق

الولد: تبيع الديك؟

الرجال: انا لله وإإنا إليه راجعون .. بكم تبي تشتريه؟

الولد: بريال

الرجال: وش تبيني أقول!! تبيني أبكي ولا أشقق هدومي .. يالله خذ الديك وببلاش

وبعد ان اخذ الولد الديك شوي ألا الحرمه فاتحه عليهم الدولاب وقالتلهم:

الحرمه: يالله بسرعه انحاشو دام إن زوجي في الحمام .. بس واحد ورا الثاني وبشويش عشان لايحس فيكم زوجي

طلع الرجال وانحاش ولحقه الولد بعده بخمس دقايق .. المهم قام الولد يتمشى في الشارع وهو مستانس إن صار معاه فلوس .. بعدين راح للبيت يوم دخل البيت شاف ابوه قدامه ..

راح قال لابوه: تشتري الديك؟

الأب ناظر فيه والشرار طالع من عيونه وقاله: ماتكفيك الثلاثميه اللي لطشتها مني في الدولاب؟؟؟

ههههههههههههههههههههههههههههههههه حلووووووووووووووووووووووووووة